新年流流,比樣嘢大家猜吓?請估吓以下圖片是什麼.

如果估到嘅話,你好聰明,亦證明你好了解狗狗,不過我真係估佢唔到囉!

謎底解開.......話說,我放假回來,同事告訴我狗狗隻腳有事,要約醫生睇吓,於是我某日大清早便帶狗狗去醫院照x-ray,結果醫生話狗狗個膝蓋鬆了,要動手術移正,手術後隔天,狗狗回到狗房,為了讓牠免受其他狗狗騷擾,我們將牠安置在辦公室內,而佢終於可以一嘗所願,獨佔室內一角.請看下圖佢瞓得幾舒服.

呢張喺我放工離開辦公室時拍的,佢好似好乖咁,睡得很甜.

點知第二天返到狗房,同事告訴我.....隻狗狗已經.......

咬爛咗條電話線.請看下圖.

請為條電話線默哀三分鐘

狗狗仲一臉無辜咁話:吚,發生乜事呀!

佢嘅口供話:呢單嘢好明顯係老鼠做嘅,我可以做證人.

你當我儍架,間房不嬲都有老鼠啦,條電話線咁耐都無事,你喺度瞓一晚佢就certify咗,你自己心知肚明,總知無得留底,要入番自己個籠,諗住比你舒舒服服咁養病,你咁對我,好好反省吓啦!

唉!又要call人整番條線,喺狗房做真係日日新鮮,穫穫金,唔係條電線咬爛跳晒掣,就係條寬頻線咬爛咗上唔到網,總知奉勸大家,若家有狗狗,乜線物線都要收得密實啲,全部都不能走地面,只能作高空發展, 唔係後果自負.

報告完畢!